افغانستان د هېرېدو له څنډو بېرته د نړیوال پام منځ‌ټکي ته؛

 

د افغانستان له خبريالانو د ملاتړ سازمان د دويم سېمپوزيم سرليک دی چې د ډسمبر پر ۴مه د خبريالانو ملاتړو سازمانونو او د جلاوطنه او نړيوالو رسنيو د استازو په حضور کې په برلين کې جوړ شو.

دغه ناسته چې د افغان او جلاوطنه رسنيو د وضعيت د ارزونې په تړاو جوړه شوې وه، په افغانستان کې رسنيو او د ازادۍ اوسني بحران ته د نړيوالې پاملرنې د جلبولو پر ارزښت، په افغانستان او درېيمو هېوادونو کې د افغان خبريالانو پر وړاندې د پرتو ننګونو او په کور د ننه د اوسنيو حاکمانو تر حاکميت لاندې د رسنيو پر وضعيت خبرې او بحثونه وشول.

دا سېمپوزيم د افغانستان رسنيو او جلاوطنه خبريالانو پر وړاندې د پرتو ننګونو پر څيړلو، د بيان پر آزادۍ د هېواد د اوسنيو شرایطو د‌ اغېز او اطلاعاتو ته په لاسرسي متمرکز دی.

په دې ناسته کې ويناوالو د افغان خبريالانو او جلاوطنه رسنيو څخه د ملاتړو شبکو د ايجاد پر ارزښت او د رسنيو، خبريالانو او نړيوالو بنسټونو تر منځ د همکارۍ پر پياوړتيا ټينګار وکړ.

ویناوالو د عدالت غوښتنې د ورته ناستو پر ارزښت، د خبريالانو او رسنيو د اړوندو چارو د تعقيب او د اوسني وضعيت پر عاملينو د فشار په راوړلو ټينګار وکړ او د افغان خبريالانو، رسنيو او د رسنيو ملاتړو ملي او نړیوالو بنسټونو استقامت، يووالی او ثبات يې د رسنيو د‌دفاع او ملاتړ لپاره د هيله‌مندۍ يوازینۍ لاره وبلله.

ورځې په پای کې جلا کاري ډلو د زيانمن پېژندونکي اوسني وضعيت سربېره، د خبريالانو ملاتړ سازمان ته عملي تګلارې وړانديز کړې څو عملي او باثباته پايلو ته د رسېدو لپاره جدي هلې ځلې وکړي.

د سېمپوزيم ګډونوالو د دې سازمان هڅې د جلاوطنو رسنیو تر منځ د پیوستون د پیاوړتیا، د بیان د ازادۍ او د معلوماتو د آزادۍ د وضعیت د ښه‌والي او د خبریالانو، د بیان ازادۍ او د هیواد نازک وضعیت ته د نړیوالو د پام اړولو یو عامل وباله.